與諾諾一起走過的日子

 作者:編輯室 

廖啟智、陳敏兒的小兒子廖文諾(諾諾)在威爾斯親王醫院治療期間,羅桂蓮院牧與諾諾同行共處,以下是羅院牧整理其中一些片斷,從中可以使我們對這可愛的小朋友,有感性的接觸。(內容選自《諾諾回家了》廖文諾安息禮程序。)

「我今朝打背脊針,唔可以起身。羅院牧,我好叻呀!我好勇敢,我沒有喊呀!」
「係喎,諾諾真係好叻呀。打背脊針,都冇喊!」

「等我洗□喉仔先,等一陣先祈禱。姑娘,你唔好咁大力,要溫柔D呀!溫柔D呀!」

「哦!」姑娘微笑對諾諾說:「好呀!聽曬你話,溫柔D!」
「姑娘比媽媽洗得快好多。」
「諾諾好鎮定呀!俾姑娘洗喉仔。」
「好啦!羅院牧現在祈禱啦!祈完禱我就訓覺啦!」

「昨天,爹地買□蝦餃、燒賣,我地好開心!」
「咁!諾諾係咪最鐘意食呀!」
「唔係呀!是媽咪喜歡食,我做緊化療,唔可以食!」

諾諾打趣地說:你有幾多個仔呀?」
院牧:「我有兩個女。」
媽咪笑道:「諾諾最喜歡問人有幾多個仔。」
院牧:「嘻嘻,諾諾,我有兩個女,是兩個姐姐,有個姐姐的名也是叫諾諾。」
諾諾:「同我的名一樣。」

「昨晚,我同哥哥玩得好開心,哥哥話便便,我們好好笑。」
「諾諾,我的大姐姐昨晚在電腦傳了幅圖畫返來,有個公仔扭屁股,扭扭嚇,突然間條褲脫了。」
「哈哈哈……」笑作一團。

「我發燒呀!而家退了燒。」

「你睇緊書呀!」
「是呀!院牧,我講故事俾你聽。」
「好呀!」諾諾拿著一本A4 size圖文並茂的圖畫書(逐一逐一將圖畫串連成一個故事告訴我)
「他穿衫……拿住把遮……然後呢……然後呢……有許多人……然後呢……去到啦……然後呢……噢!講完。」這故事是諾諾創作的。多謝諾諾!

「羅院牧,我們搬了新屋呀,在14樓呀,第日請你來我新屋玩呀。」
「好呀,你出□院後,我去你新屋玩呀!」

「等餐車來了,我就可以返屋企啦,我要抹鼻涕。院牧,不是這樣抹,都是爹地替諾諾抹得最好。餐車來了,爹地快些打電話給媽咪來接我。」

媽咪:「諾諾,你訓醒啦!羅院牧來□啦,上次你咪邀請院牧來我地新屋企。」
院牧:諾諾,院牧好開心,今日來新屋企慶祝諾諾的新生日會。院牧為諾諾禱告,今次院牧講一句,諾諾跟我講一句喎!」
媽咪:「合上眼睛跟院牧講,祈禱後,我們就開生日會。」
諾諾:親愛的主耶穌,你愛我──廖文諾,為我釘十架,流出寶血,洗乾淨我的罪,賜諾諾有永生,我願意相信耶穌,接受耶穌做我的救主。奉主耶穌基督的名求,啊們!」
媽和院牧:「好呀,有其他小朋友一同慶祝諾諾生日會。」

諾諾:我信耶穌!」
牧師:「奉聖父、聖子、聖靈的名為諾諾施洗。」
諾諾:「你小心D呀!唔使咁多水!」

「Happy Birthday to you! Happy Birthday to you! Happy Birthday to 諾諾!Happy Birthday to you!」
「婆婆親手做的蛋糕真是好食呀。」

親愛的小弟兄諾諾,永遠懷念你!天家再與你相見!